ناس واقفه على عرفات و رايحه المشعر الحرام
عيد و فرحه
شعوب غلبانه نفسها تفرح و تعيد
تصلى العيد و تكبر و تقول
صدق وعده و نصر عبده و اعز جنده و هزم الاحزاب وحده
تدبح و تضحى و تاكل و تأكل غلابه كتير
يسلموا على بعض و يهنوا بعض
فجأه
تيجى هديتهم على الهوا فى التلفزيون
هديه متنقيه
كبيييييييره
مهو العيد الكبير
أعدام رئيس دوله عربى
و منظر على الهوا الناس كلها تشوفه
عشان يتعلموا يخرسوا و مينطقوش
حتى ميفرحوش
عبيد .. احنا فعلا عندهم مجرد عبيد
طب ليه
ناس بتسأل
امال ايه اللى كنا بنقوله من شويه
فين وعد الله
فين النصر
و فين العزه
و فين هزيمة الاعداء
كل دول مفيش
عارفين ليه
لاننا مبقيناش عباد و لا جند لله
بقينا عباد انفسنا و جنود الشيطان
هانت علينا أنفسنا فهنا على الناس
لكن مهما طال زمن الظلم
وعد الله قادم ان شاء الله
لعباد له
لجنود له
وقتها حنفرح بجد و نقول
صدق وعده و نصر عبده و اعز جنده و هزم الاحزاب وحده
