امبارح كنت قاعد مع نفسى فى لحظه تتنيح طق ف دماغى سؤال وهمى
لو لقيت مصباح علاء الدين السحرى و طلعلك منه العفريت و قالك شبيك لبيك نفسك ف ايه؟؟
لحظات التتنيح دى لذيذه اوى سبحان الله ..مهمه عشان الدماغ متفرقعش ..ما علينا
نفسك ف عربيه اخر موديل
ملقتهاش فارقه اوى معايا هى صحيح المرسيدس كانت من احلامى
لكن مالها العربيه اللى معايا مهى شغاله و ماشيه و ملهاش طلبات كتير
نفسك فى فيلا دورين على النيل
برضه مش هيه , صحيح فيلا ف مدينه نصر ع النيل (هاهاها) حتبقى متعه لكن مش هى دى اللى اطلبها م الاخ العفريت
نفسك ف فسحه كده بطياره خاصه لاى حته ف الدنيا
انا يا عم بحب اسكندريه و دى مش محتاجه طياره خاصه و لا يحزنون
باين عليك فقرى قال اسكندريه قال.... دا الاخ العفريت بيقولى
طب ياعم غلبتنى نفسك ف ايه و خلصنى
انا كل اللى نفسى فيه انى اشوف السعاده ف عنين اللى اللى بحبهم و بيحبونى
يا عم انت حتعملى فيها ارسطو.....دا العفريت بيتريأ عليا
معلش يا عم العفريت ما انا عارف ان دا طلب مش سهل , بس حاول تفهم ان احلى حاجه ف الدنيا انك تكون سبب لسعاده اللى بيحبوك و تشوفها ف عنيهم دى محتاجه نور من الله مش اى حد يقدر علي كده من نفسه
كفايه تتنيح بقى و قوم اعملك مج نسكافيه عشان تفوووووق
said:
من مصر