الكمبيوتر مفتوح فيه فايلات كتير منها اللى على الشاشه و منها اللى تحت فى التوول بار..
يااااااااه كل دى فايلات عمال تستعملها . الرامات تعبت يا جدعان .. و الدماغ - قصدى الكمبيوتر - ابتدى يتقل وكمان الاستجابه للاوامر بقت مش ولا بد
الظاهر قرب يهنج
و فعلا .. لسه بنقول .. أهو تقريبا هنج
اقفل اقفل ولا يهمك و اعمللك ريستارت
بعد فتره صغيره
الحمد لله و الشكر لله , اهو كده الامور واضحه - قصدى الشاشه واضحه - و أهو كل فايل لسه موجود ما عدا اللى خلص عليهم الانتى فيروس بتاعى .. احسن اهم راحوا ف الوبا
كده ممكن ابتدى افتح فايل من جديد و اشتغل بنفس من جديد و اكتب كل اللى نفسى اقوله و اقرا احلى كلام و اضحك من قلبى و انام مرتاح مطمن
شوفت بقى فايده الريستارت لما الكمبيوتر بتاعك يهنج
ربنا ما يهنجلك كمبيوتر تانى ابدا يا رب
said:
من مصر