اهلا اهلا .. ازيك
الحمد لله
ايه دا؟ مالك شكلك متغير كده ليه النهارده؟
ازاى يعنى
فرحان كده و مبتسم مش بعادتك
ايه هو عيب و لا حرام؟؟
لا أبدا .. بس مش لايق عليك
ليه بتقول كده؟ هو لا كده عاجب و لا كده عاجب
طب يا سيدى ان شاء الله دايما.. ايه بقى اللى مفرحك و مخليك مرتاح كده النهارده؟؟
مش عارف.. حاجات كتير.. بس يمكن دا كان من احلى ايام حياتى
للدرجه دى؟؟؟
مهو اصل فيه ايام بتعدى تحب تنساها و ايام بتعدى عايزها متعديش
و النهارده بقى من النوع التانى
ايون.. بالظبط كده
طب احكيلى بقى ايه فى النهارده اللى عايزه يفضل و ميعديش؟
ناس شوفتها و قابلتها
مالهم الناس دى؟؟
ناس تحس انهم مش من النوع المتوفر اليومين دول
ازاى يعنى؟ هو فيه ناس نوعها متوفر و ناس نوعها شاحح م السوق؟؟
طبعا.. الناس اللى شوفتها النهارده وشوشها سمحه و تصرفاتها بريئه و قلوبها بيضا متحسش جواها لا غل و لا حسد و لا رغبه فى الاذيه
يااااااااه .. انت متأكد انك كنت على الارض؟؟؟
تصدق انا حسيت انى كنت بعيد عن الارض و الناس اللى على الارض فعلا
طب مكنت تخليك رجعت ليه؟
يا ريت..يا ريت فعلا افضل معاهم على طول
يابنى انت باين عليك كنت نايم و بتحلم
هو فعلا حلم بس و انا صاحى و حلم جميل بس حقيقى
لاااااا دا انت النهارده مختلف تماما.. قوم نانم قوم انت ناسى انك عندك شغل الصبح بدرى
يا عم طيب يعنى لازم تفكرنى .. حكمل شويه تفكير ف الحلم و اقوم انام
طب تصبح على خير يا خويا
و انت من اهل الخير
said:
من مصر